اجلاس کی صدارت اور اہم فیصلے
کابینہ کی اقتصادی رابطہ کمیٹی (ای سی سی) کا اجلاس وفاقی وزیر خزانہ محمد اورنگزیب کی زیر صدارت منعقد ہوا، جس میں ملکی معیشت، ترقی اور عوامی سہولت سے متعلق اہم فیصلے کیے گئے۔
سیلاب متاثرین کیلئے ریلیف فنڈ
اجلاس میں سب سے بڑا فیصلہ سیلاب متاثرین کیلئے 5.8 ارب روپے کے ریلیف پیکج کی منظوری تھی۔
-
اس میں سے 4 ارب روپے فوری طور پر این ڈی ایم اے کو جاری کرنے کا فیصلہ کیا گیا۔
-
باقی رقم مرحلہ وار جاری کی جائے گی تاکہ متاثرین کو بروقت سہولت فراہم ہو سکے۔
دیگر اقتصادی فیصلے
اجلاس میں معیشت کو مستحکم کرنے اور عوام کو ریلیف دینے کے لیے متعدد فیصلے کیے گئے، جن میں شامل ہیں:
-
بجلی کے ایندھن ایڈجسٹمنٹ چارجز پورے ملک میں یکساں لاگو ہوں گے۔
-
وزیراعظم فین ریپلیسمنٹ پروگرام کیلئے 2 ارب روپے مختص۔
-
اسٹریٹیجک پالیسی پلاننگ سیل کیلئے 25 کروڑ روپے کی منظوری۔
-
راست کیو آر کوڈ پیمنٹس کے فروغ کیلئے 3.5 ارب روپے کی سبسڈی تین سال کے لیے۔
-
انرجی وہیکل پالیسی (2025–2030) کی منظوری۔
-
چھوٹے کسانوں کیلئے رسک کوریج اسکیم، جس کے تحت 7.5 لاکھ کسان کریڈٹ سسٹم میں شامل ہوں گے۔
-
پی این ایس سی جہازوں کے مسئلے کے حل کیلئے 33 کروڑ روپے کی ادائیگی۔
ڈیجیٹل معیشت کی ترقی
ای سی سی نے ہدایت دی کہ ملک میں ڈیجیٹل معیشت کے فروغ کے لیے فوری اقدامات کیے جائیں۔
-
اسٹیٹ بینک کو ہدایت دی گئی کہ وہ اسکیم سے متعلق نوٹیفکیشن فوری طور پر جاری کرے۔
-
کمرشل بینکوں، نیکا اور اسٹیٹ بینک کے درمیان معاہدے کی ٹرم شیٹ کی بھی منظوری دی گئی۔
