جیسے جیسے ہماری عمر بڑھتی جاتی ہے، ہماری ہڈیاں کمزور ہوتی جاتی ہیں۔ لیکن یہ مسئلہ صرف بڑی عمر والوں میں نہیں، بلکہ جوانوں میں بھی ہوتا ہے۔ اگر آپ اپنی ہڈیوں کا خیال نہ رکھیں تو یہ مسئلہ جوانی میں ہی شروع ہو سکتا ہے۔ ہڈی ایک ایسی چیز ہے جو آپ کے پورے جسم کا بنیادی ڈھانچہ ہے، اور اگر بنیاد ہی کمزور ہو تو آگے کیسے چلے گا؟ اس لیے ضروری ہے کہ آپ اپنی ہڈیوں کا خیال جوانی سے ہی رکھیں۔

آج ہم ایک بہت اہم موضوع پر بات کرنے جا رہے ہیں، اور وہ ہے ہڈیوں کی صحت۔ حال ہی میں میری ملاقات ایک دوست سے ہوئی جن کی عمر تقریباً 35-40 سال تھی۔ وہ جوان تھے، لیکن ان کی ہڈی کا فریکچر ہو گیا اور یہ فریکچر کیلشیم کی کمی کی وجہ سے تھا۔ اس سے ثابت ہوتا ہے کہ یہ مسئلہ صرف بڑھاپے کی بیماری نہیں بلکہ جوانی میں بھی ہو سکتا ہے۔

کیلشیم ہماری ہڈیوں کی صحت میں اہم کردار ادا کرتا ہے۔ یہ 700 ملی گرام روزانہ ہمارے جسم کے لیے ضروری ہوتا ہے۔ کیلشیم دودھ، بادام بٹر، اور دیگر غذاؤں میں پایا جاتا ہے۔ خاص طور پر خواتین جن کی ماہواری بند ہو چکی ہوتی ہے، ان میں آسٹیوپوروسس جیسے مسائل شروع ہو جاتے ہیں، اس لیے ان کو بھی اپنی ہڈیوں کا خاص خیال رکھنا چاہیے۔

سب سے پہلی اور اہم چیز جس پر ہمیں بات کرنی ہے، وہ ہے وٹامن ڈی3۔ وٹامن ڈی3 ہمیں سورج سے ملتا ہے۔ اگر آپ روزانہ آدھے گھنٹے سے ایک گھنٹے تک سورج کی روشنی میں رہیں تو یہ آپ کی صحت کے لیے بہت مفید ہوتا ہے۔

دوسری چیز ہے وٹامن کے2، جو ہڈیوں کو مضبوط رکھنے میں اہم کردار ادا کرتا ہے۔ وٹامن ڈی3 اور کے2 دونوں مل کر کام کرتے ہیں۔ وٹامن ڈی3 کیلشیم کو خون میں جذب کرنے میں مدد کرتا ہے جبکہ وٹامن کے2 اسے ہڈیوں تک پہنچاتا ہے۔

تیسری چیز دہی ہے، جو کیلشیم سے بھرپور ہوتا ہے اور ہڈیوں کی صحت کے لیے مفید ہے۔ اگر آپ دہی کا ایک کپ کھاتے ہیں تو اس سے آپ کی کیلشیم کی ضرورت کا 40 فیصد حصہ پورا ہو سکتا ہے۔

چوتھی چیز ہے، اورگینک غذا، خاص طور پر گھاس کھانے والے جانوروں سے حاصل ہونے والی چیزیں جیسے کہ چیز، جو کہ آپ کی ہڈیوں اور دل کی صحت کے لیے مفید ہیں۔

پانچویں چیز ہے اومیگا تھری فیٹی ایسڈز، جو مچھلی میں پائے جاتے ہیں اور ہڈیوں کے نقصان کو کم کرتے ہیں۔

چھٹی چیز سبزیاں ہیں، خاص طور پر ڈارک لیف سبزیاں جو کیلشیم اور وٹامن سی سے بھرپور ہوتی ہیں اور ہڈیوں کی صحت کے لیے بہترین ہیں۔

ساتویں چیز ہے ویٹ بیرنگ ایکسرسائز۔ ہلکی ویٹ بیرنگ ایکسرسائز کرنے سے ہڈیاں مضبوط رہتی ہیں۔

آٹھویں اور آخری چیز ہے بُوران، جو کہ مختلف غذاؤں جیسے کہ ایووکاڈو، انگور، مونگ پھلی، بروکلی، سیب، اور کافی میں پایا جاتا ہے اور ہڈیوں کی صحت کے لیے بہت مفید ہے۔

یہ تھیں وہ آٹھ چیزیں جو آپ کی ہڈیوں کی صحت کے لیے بہت ضروری ہیں۔ ابھی سے ان چیزوں کا استعمال شروع کریں اور اپنی ہڈیوں کو مضبوط بنائیں۔ پریوینٹیو میڈیسن میں یقین رکھتے ہوئے، میں ہمیشہ آپ کو صحت کی دیکھ بھال کے لیے یہ اہم مشورے دیتا رہتا ہوں۔